Rusiyanın Kuzbas bölgəsində sərnişin avtobusu ilə yük maşını toqquşub.

Unikal.org TASS-a istinadən xəbər verir ki, Kemerovo-Anjero-Sudjensk yolunun 60-cı km-də baş verən hadisə nəticəsində 2 nəfər ölüb, 38 nəfər yaralanıb.

Regional Tibb Mərkəzindən bildirilib ki, yaralılardan 15 nəfəri xəstəxanaya yerləşdirilib. 

Sərnişinlərdən 23 nəfəri ambulator müalicəyə göndərilib. 

Həkimlərin dediyinə görə, xəsarət alanlardan birinin vəziyyəti ağırdır, o, Kemerovo xəstəxanasına aparılıb. 9 nəfərin orta dərəcəli xəsarət aldığı bildirilir.

İlkin məlumatlara görə, yük maşınının sürücüsü idarəetməni itirib, qarşıdakı zolağa çıxaraq sərnişin avtobusuna çırpılıb. Avtobusda 51 nəfər olub. Yük maşını sürücüsü hadisə yerində,  sərnişinlərdən biri isə xəstəxanada ölüb.

Faktla bağlı cinayət işi açılıb.