Daha bir mötəbər turnir pamdemiyaya görə təxirə salınlb.

2022-ci ildə Seneqalın paytaxtı Dakarda keçirilməsi planlaşdırılan Yeniyetmələrin Yay Olimpiya Oyunları təxirə salınıb. 

Unikal.org Beynəlxalq Olimpiya Komitəsinin (IOC) rəsmi saytına istinadən xəbər verir ki, Seneqal və IOC yarışın 2026-cı ildə keçirilməsi ilə bağlı razılığa gəliblər. 

Turnirin vaxtının dəyişdirilməsinin başlıca səbəbi Toki-2020 Yay Olimpiya Oyunlarının 2021-ci ilə təxirə salınmasıdır.

Belədə iki yarış arasında az vaxt qalır ki, bu da pandemiyanın yaratdığı böhran vəziyyətində IOC, Milli Olimpiya Komitələri və beynəlxalq federasiyalar üçün əlavə maliyyə vəsaiti tələb edir.

Qeyd edək ki, 2018-ci ildə Yeniyetmələrin Yay Olimpiya Oyunları Argentinanın paytaxtı Buenos-Ayresdə keçirilib. Azərbaycan idmançıları yarışda 7 medal qazanıblar