İyulun 14-dən 15-ə keçən gecə Azərbaycan ordusuna dəstək aksiyası zamanı bir qrup şəxsin Milli Məclis binasına daxil olması ilə bağlı balanmış cinayət işi ürə təqsirləndirilən daha 4 şəxs barəsində həbs-qətimkan tədbirinin seçilməsi ilə bağlı məhkəməyə təqdimat verilib.

Unikal.org report-a istinadən xəbər verir ki, həmin şəxslər Mustafatev Səyavuş Firudin oğlu, Ramid Zəkrulla oğlu, Mövləyev Dəyanət Kərəm oğlu və İmanov Bəxtiyar Bədəl oğludur.

Onlara Cinayət Məcəlləsinin 186.2.1-ci (zərərçəkmiş şəxsə külli miqdarda ziyan vurmaqla əmlakı qəsdən məhv etmə və ya zədələmə), 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə ittiham verilib.

Təqdimatlara iyulun 21-də baxılacaq.

Qeyd edək ki, Səyavuş Mustayavev Naxçıvan Muxtar Respublikasının daxili işlər nazirinin sabiq müavini olub.8 il həbsdən sonra 2001-ci ildə Azərbaycan Respublikası Prezidentinin əfv tarixli Fərmanı ilə azadlığa çıxıb.

Xatırladaq ki, iyulun 14-dən 15-nə keçən gecə Bakı şəhərində Azərbaycan Ordusuna dəstək məqsədilə yürüş keçirilib.

Daxili İşlər Nazirliyinin rəsmi məlumatına əsasən, dinc və vətənpərvər ruhda keçən bu aksiya zamanı bir qrup şəxs ictimai qaydanın kobud surətdə pozulmasına səbəb olan hərəkətlərə yol verərək Milli Məclisin inzibati binasının qapı-pəncərələrini sındıraraq içəriyə daxil olublar, aksiyanın təhlükəsizliyini təmin edən polis əməkdaşlarına müqavimət göstərməklə zor tətbiq ediblər.

Nəticədə bir neçə polis əməkdaşına müxtəlif dərəcəli bədən xəsarətləri yetirilib, xidməti avtomobillərlə yanaşı, mülki nəqliyyat vasitələrinə də ciddi ziyan vurulub. Polis əməkdaşları tərəfindən dəfələrlə edilən xəbərdarlıqlara məhəl qoyulmadığından, eləcə də vəziyyətin daha da gərginləşməsinin qarşısının alınması üçün görülən operativ tədbirlərlə ictimai asayiş bərpa edilib.

Fakt üzrə başlayan əməliyyat-axtarış, əməliyyat-istintaq tədbirləri nəticəsində qanunsuz hərəkətlər törətməkdə şübhəli bilinən şəxslərin kimliyi müəyyən olunub. Onlardan bir qrupu şübhəli şəxs qisimində istintaqa cəlb olunuraq, törətdikləri əməlləri sübuta yetirilməklə Azərbaycan Respublikası Cinayət Məcəlləsinin müxtəlif maddələri ilə barələrində cinayət işi açılaraq, məhkəməyə göndərilib.

Məhkəmənin müvafiq qərarları ilə onların hər biri barəsində 3 aylıq həbs qətiimkan tədbiri seçilib. Hazırda qanunsuz  hərəkətlərə yol verən şəxslər ətrafında əməliyyat-axtarış, əməliyyat istintaq tədbirləri davam etdirilir.