Meksika Prezidenti Andres Manuel Lopes Obrador yalnız ölkəsində korrupsiyaya son qoyulacağı təqdirdə, tibbi maska taxacağını bildirib.
Unikal.org xəbər verir ki, bu barədə “The Guardian” yazır.
“Bilirsiniz nə zaman maska taxacağam? Korrupsiya olmayandan sonra. Bax o zaman maska taxacağam və daha danışmayacağam. Gəlin saziş bağlayaq. Maska taxmağım və daha danışmamağım üçün, gəlin cəld tərpənək və korrupsiyaya son qoyaq”, - deyə Obrador jurnalistlərə bildirib.
Nəşr Braziliya və ABŞ liderləri kimi Obradorun da koronavirus pandemiyası zamanı maska taxmağa skeptik yanaşdığını bildirir. Qeyd edilir ki, bəzi meksikalılar Prezidentin bəyanatını heç vaxt maska taxmayacağına işarə kimi qəbul ediblər.
