Nigeriyada “Boko Haram” terror qruplaşmasının silahlıları azı 10 hərbçini öldürüb.
Unikal.org xəbər verir ki, bu barədə “Vanqard” qəzeti yazıb.
“10 xüsusi təyinatlını itirdik, yaraqlılar bizi qəfildən yaxaladı”, - hərbi mənbə bildirib.
Qeyd olunur ki, Borno ştatında Qarin Qiva qəsəbəsi yaxınlığında “Boko Haram” terrorçuları ilə döyüş, təxminən, yarım saat davam edib. Yaraqlılar silahlarla dolu iki yük maşınını ələ keçirib. Yaralılar xəstəxanaya çatdırılıb.
