Tesla və SpaceX şirkətlərinin rəhbəri olan Amerikalı sahibkar İlon Maskın aktivlərinin ümumi dəyəri bir həftə ərzində 11,5 milyard dollar artıb.

Unikal.org xəbər verir ki,  bu barədə "Forbes" jurnalı xəbər verib.

Nəşrin hesablamalarına görə, iş adamının sərvəti 184,3 milyard dollara çatıb. Tesla şirkətinin sərmayələrinin məzənnəsi bu həftədə 7,4 faiz artıb. Ötən gün ABŞ-da keçirilən ticarət sessiyasından sonra qiymətli kağızların dəyəri 852,23 dollara çatıb.

Bloomberg agentliyi İ.Maskın aktivlərinin ümumi dəyərini 203 milyard dollar olaraq qiymətləndirir. Sahibkarın sərvətinin il ərzində artmasının əsas səbəbi Teslanın kapitallaşmasının artması olub.