Türkiyəli müğənni İbrahim Tatlısəsin qızı Dilan Çıtakın İstanbulun Nişantaşı səmtində yerləşən dırnaq salonunda başına iş gəlib.

Unikal.org  xəbər verir ki, 4 nəfər xarici vətəndaş salonda dırnaq baxımı etdirib. Həmin müddətdə Dilan və şəxslər arasında mübahisə yaşanıb. Gözəllik mərkəzini tərk etdikdən sonra əcnəbi vətəndaşlar bir az sonra geri qayıdıb və içəridə olanlara hücum ediblər.

İnsident nəticəsində müğənninin qızı xəsarət almasa da, işçilərindən biri aldığı zərbə nəticəsində başından yaralanıb. 

D.Tatlıses məsələ ilə bağlı polisə şikayətçi olub.

Qeyd edək ki, İbrahim Tatlısəs 14 mart 2011-ci ildə İstanbulun Şişli bölgəsində başından güllələnmişdi.