Gürcüstanda 2008-ci ilin avqust ayında Rusiyaya qarşı mübarizə zamanı həyatını itirən şəxslərin xatirələrini yad etmək üçün Muxatqverdi qardaşlar məzarlığı ziyarət edilib. 

Unikal.org xarici KİV-ə istinadən xəbər verir ki, mərasimdən sonra Baş nazir jurnalistlərin suallarını cavablandırıb. 

O bildirib ki, ölkənin 20%-i Rusiyanın işğalındadır və bununla bağlı siyasi spekulyasiyalar edilməməlidir:

"Tarixlərlə bağlı siyasi spekulyasiyalar etmək utancvericidir. Faktlar və nəticələrdən danışın. Nəticə odur ki, bizim ölkəmizin 20%-i Rusiyanın işğalı altındadır. Buna görə də biz bu barədə danışmalı və işğalın necə sona çatdırılması barədə düşünməliyik. Xahiş edirəm ki, ölkənin süverenliyi, müstəqilliyi, müharibə barədə ən azından bu gün siyasi spekulasiyaları dayandırın". 

Qeyd edək ki, sözügedən tədbirdə Gürcüstan Prezidenti Salome Zurabişvili, Baş nazir İrakli Qaribaşvili və hökumətin digər səlahiyyətli şəxsləri iştirak edib.