Ermənistan Müdafiə Nazirliyinin səlahiyyətli nümayəndəsi Stepanavan rayonu Surb Nşan küçəsində yerləşən hərbi hissənin ərazisini qanunsuz olaraq satıb.

Unikal.org  xəbər verir ki, bu barədə Ermənistan polisi məlumat yayıb.

Bildirilir ki, şübhəli, 2008-ci ilin mart ayında, vəzifə mövqeyindən istifadə edərək hərbi hissənin 6 hektardan çox ərazisini 58 milyon drama (təxminən 126 min dollar) satıb. Aprel ayında torpaq mülkiyyəti barədə vətəndaşlara sənəd verilib.

Faktla bağlı cinayət işi açılıb.