Ukrayna NATO-dan hərbi əməkdaşlığı gücləndirməyi və Rusiyanı Ukrayna ərazisinə mümkün hücumdan çəkindirmək üçün iqtisadi sanksiyalar da daxil olmaqla tədbirlər paketi hazırlamağı xahiş edib.

"Unikal" xəbər  verir  ki, bu  barədə Ukraynanın xarici işlər naziri Dmitri Kuleba jurnalistlərə  açıqlamasında deyib .

"Biz müttəfiqlərimizi Rusiyadan çəkindirmək üçün həyata keçiriləcək tədbirlərin hazırlanmasında birgə işləməyə çağıracağıq", - deyə  Kuleba qeyd edib.  

Kuleba həmçinin də bildirib ki, “Rusiya ən pis ssenarini seçərsə”, NATO Moskvaya qarşı iqtisadi sanksiyalar tətbiq etməli və Ukrayna ilə hərbi əməkdaşlığı gücləndirməlidir.