Belarusun paytaxtı Minskin Sentralnı rayon məhkəməsi ölkənin ən çox oxunan informasiya resurslarından biri olan "Azadlıq Radiosu”nun Belarus xidmətinin bütün sosial şəbəkə hesabını ( "Facebook", "Telegram" və s. ), o cümlədən yutub kanalının informasiya məhsullarını "ekstremist materiallar” elan edib.

"Unikal" xəbər verir ki, həmin hesablara abunə olan internet istifadəçiləri qanun tərəfindən təqib olunacaqlar.

Bu barədə nəşrin özü məlumat yayıb.

Qeyd edək ki, Belarusda 300-ə yaxın internet resursu "ekstremist” kimi tanınır. Noyabrda "Belsat” telekanalı və "BelaPAN” xəbər agentliyi "ekstremist birləşmə” kimi tanınıb, noyabrın 23-də "Naşa Niva” nəşrinin teleqram kanalı və sosial şəbəkə hesabları "ekstremist materiallar” siyahısına əlavə edilib.

Ağarza Elçinoğlu