Litvada koronavirus infeksiyasının sürətlə yayılması ilə əlaqədar ölkənin şimalındakı Akmene şəhərində orta məktəblər distant təhsilə keçir.

"Unikal" xəbər verir ki, bu barədə şəhər meri Vitaliyus Mitrofanovas bildirib ki, yanvarın 24-dən etibarən şəhərdəki bütün məktəblərdə 5-12-ci sinif şagirdləri distant təhsilə keçəcək.

Qeyd olunub ki, son günlər ərzində şəhərdə 30-dan çox məktəbli koronavirusa yoluxub.

Bundan başqa, Akmene şəhərində idman və mədəniyyət tədbirlərinin, qapalı məkanlarda tədbirlərin keçirilməsi qadağan edilir.