Ukrayna parlamenti beynəlxalq ictimaiyyəti Rusiyanın Ukraynaya qarşı hərbi şantajının qarşısını almağa çağırıb. 

"Unikal" xəbər verir ki, iclasda Rusiyanın Ukraynaya qarşı hərbi əməliyyatları ilə bağlı Birləşmiş Millətlər Təşkilatına (BMT), Avropa Parlamentinə, xarici dövlətlərin hökumət və parlamentlərinə, beynəlxalq təşkilatlara müraciətlərin edilməsi barədə bəyannamə qəbul edilib.

İclasda iştirak edən 319 deputatdan 282-nin səsi ilə qəbul edilən bəyannamədə "Rusiyanın Ukraynanın Avropa və NATO-ya qarşı cəhdlərinin qarşısını almaq üçün hərbi şantajdan istifadə etdiyi və bunun qəbuledilməz olduğu" qeyd edilib.