Rusiyanın Ukraynaya müdaxiləsindən artıq 15 gün keçir. ABŞ və onun NATO müttəfiqləri Ukraynaya hərbi silah-sursat yardımınını edərkən, Rusiya lideri Vladimir Putin bu prosesdə iştirak edən hər kəsin "tarixdə heç vaxt görmədiyi nəticələrlə" üzləşə biləcəyi ilə hədələyib. Britaniya mətbuatı Putinin sözlərindən sitat gətirərək, əksər ekspertlərin bu sözləri “nüvə təhlükəsi” kimi gördüyünü açıqlayıb. Lakin bildirilir ki, Rusiya Ukrayna və onun ətrafında dağıdıcı təsir göstərə biləcək “Putinin super silahları” adlanan geniş çeşiddə təkmil yeni silah sistemlərinə malikdir.
"Unikal" xəbər verir ki, "Daily Star" qəzeti Putinə məxsus olduğu deyilən “super silahları” toplayıb. Bu silahlar arasında hava-yer tipli hipersəsli aero-balistik raket olan Kh-47M2 Kinzhal var. İnanılmaz dərəcədə sürətli və çevik olduğu bildirilən raketlərin NATO-nun hazırkı raketdən müdafiəsindən yayınmalarına kömək edəcək sürətli manevrlər edə bildiyi də bildirilir.
Məlumata görə, "Kinjal" raketləri ilə silahlanmış bir neçə MiQ-31 ələ keçirən təyyarələr 2022-ci ilin fevral ayının əvvəlində Soltsy aviabazasından Belarus və Polşa arasındakı Çernyaxovsk Hərbi Dəniz Hava Bazasına göndərilib. Bildirilib ki, “Kinjal” raketləri nüvə və ya yüksək partlayıcı başlıqlarla silahlana bilər, hədəfini yüksək sürətlə vuraraq ciddi ziyan vura bilər.
Putinin “super silahları” arasında yer alan “Alabuqa” radioelektrik raketi də diqqət çəkən silahlar sırasındadır. "Alabuqa" radioelektrik raketi nüvə bombasının yaratdığı Elektromaqnit Nəbzini [EMP] simulyasiya edə bilər. Onun üç mil radiusda istənilən elektron sxemi yandırmaq, kompüterlə idarə olunan avadanlığı məhv etmək, düşmənin raketlərini, radar avadanlıqlarını və hətta tanklarını məhv etmək qabiliyyətinə malik olduğu bildirilir.
“Ranets” adlanan "Alabuqa" raketlərinin kiçik versiyaları hətta kürək çantalarına da sığmaq üçün nəzərdə tutulub. Bu sayədə çox rahatlıqla döyüş bölgələrinə daşına bilər və komanda idarəetmə sistemlərinə tamamilə zərər vermək istənildikdə düşmən xəttinə yerləşdirilə bilər.
Putinin "super silahları" arasında quru qoşunlarını dəstəkləmək üçün elektromaqnit şüalarından istifadə edən başqa bir Rusiya silahı olan "Listva" da var. Uzaqdan minatəmizləyici 100 metrə qədər məsafədə minaları və digər partlayıcıları zərərsizləşdirmək üçün Ultra Yüksək Tezlikli radio dalğalarından istifadə edir.
2019-cu ildə Rusiya Hərbi Elmlər Akademiyasında çıxış edən Baş Qərargah rəisi Valeri Gerasimov bəyan edib ki, Rusiya gələcək münaqişələrdə Rusiya qüvvələrinə “təşəbbüsü ələ keçirməyə və saxlamağa” imkan verəcək təkmil yeni silahlar hazırlayır. Gerasimov həmçinin bildirib ki, “təhdidlərə cavab vermək üçün təhlükə yaratmalıyıq”.
“Biz çevik hərəkət etməli, düşmənimizin qabaqlayıcı tədbirlər görməsinin qarşısını almalı, təhlükəsizlik zəifliklərini vaxtında aşkar etməli, yolverilməz ziyan təhlükəsi yaratmalıyıq”, - qərargah rəisi bildirib.
Gülayə Mecid
