Yanvar ayında həyat yoldaşı Şafak Mahmutyazıcıoğlunu itirən məşhur aparıcı Ece Erken sosial şəbəkədəki paylaşımları ilə diqqət çəkib. 

"Unikal" xəbər verir ki, Şafak Mahmutyazıcıoğlunun qardaşı Cəlal Mahmutyazıcıoğlu tərəfindən təhdid edildiyini ifadə edən Ece Erken “Söylemesem” verilişinə bu barədə açıqlama verib. 

"Qardaşının var-dövlətinə əl qoymusan, onun qatillərinin arxasınca 1 saniyə belə düşmədin. Qapımın qarşısındakı təhlükəsizlik kameralarının görüntüsünü hansı haqla götüzdürmüsən? Götüzdür, mənim özümdən şübhəm yoxdur. İndi Şafak necə əzab çəkir. Mən hamınızla təkbaşına mübarizə aparacağam. Həyat yoldaşım mənimlə fəxr edirdi. Miras nə pis, acı bir şeydir.  Bu insanlar hər gün bizdə idi, biz də onlarda. Uşaqlarımız bir yerdə oynayırdılar. Hər kəs şahiddir ki, bir qəpik də almamışam. Şafakın avtobusu qalıb, o da məndə deyil. Gəlin 500 min verim, susun, Şafaka da dua edin".

Restoranda güllələnərək öldürülən Şafakın dəfnindən sonra Ece ailəsinin hər şeyi ondan aldıqlarını bildirib:

"Həyat yoldaşımı çox sevirəm. Onu gəlir qapısı kimi görən və ölümündən sonra da görməyə davam edən ailəsi ilə adımımn yanaşı çəkilməsini istəmirəm. Biz qəlblə bağlı idik, elə də qalacağıq. Mirasdan imtina edirəm".