Moskva ilə Afina arasında münasibətlər tamamilə pozulub, əməkdaşlıq və təmaslar yoxdur.
"Unikal" xəbər verir ki, bunu Rusiyanın Yunanıstandakı səfiri Andriy Maslov Rusiya telekanallarından birinin efirində deyib.
"Fevralın sonundan bizim ikitərəfli münasibətlərimiz tamamilə məhv edilib, onlar artıq mövcud deyil”, - Maslov bildirib.
Onun sözlərinə görə, Yunanıstan tərəfi ilə “əməkdaşlıq, əlaqə yoxdur”.
“Bir sözlə, sözün əsl mənasında bir neçə gün ərzində onilliklər ərzində yığılmış bütün gərgin iş, ikitərəfli münasibətlərin bütün zəngin silsiləsi puç oldu”, - rusiyalı diplomat bildirib.
Xatırladaq ki, Yunanıstan Rusiya Federasiyasının Ukraynaya genişmiqyaslı müdaxiləsi başlayandan bəri Kiyevə dəstək nümayiş etdirir. Xüsusilə Yunanıstanın Ukraynaya Sovet silahlarını göndərəcəyi məlum olub.
Həmçinin Yunanıstan Rusiya qazından imtina etdiyini açıqlayıb.
Gülayə Mecid