Dünyanın ən tənha insanı kimi tanınan Braziliyanın yerli qəbilələrindən birinin sonuncu nümayəndəsini 26 il təcrid olunmuş vəziyyətdə yaşaydıqdan sonra öz komasında ölü tapılıb.

"Unikal" xəbər verir ki, onun cəsədini Amazon cəngəlliklərindəki yaşayış məskənində Yerli Xalqlar üzrə Agentliyin nümayəndələri aşkar ediblər.

Kişinin bədənində heç bir mübarizə və ya zorakılıq əlaməti, həmçinin ətrafda başqa insanların olduğuna dair hər hansı əlamət olmayıb.

Polis onun təbii səbəblərdən öldüyünü, lakin cəsədinin məhkəmə-tibbi ekspertizadan keçiriləcəyini bildirib.