Bu dəfə koronavirus epidemiyası Çindəki ən böyük iPhone istehsal müəssisəsini vurub. Artan hallarla əlaqədar olaraq, Cingcoudakı fabrikdə "qapalı dövrə" istehsalına başlanılıb, kampus metal maneələrlə bağlanıb. Nəhəng müəssisədə 300 min insan karantindədir.

"Unikal" xəbər verir ki, Tayvanın Foxconn şirkətinin Çində Apple smartfonlarının istehsal edildiyi ən böyük obyektlərdən biri olan Hnan əyalətindəki fabrikində Kovid-19 hadisələri ilə əlaqədar həyata keçirilən epidemiyadan qorunma tədbirləri işçilərin gündəlik həyatını çətinləşdirib. Çində sosial media platformalarında edilən paylaşımlarla Cingcoudakı istehsal müəssisəsində epidemiya tədbirlərinin və hərəkət məhdudiyyətlərinin yaratdığı problemlər gündəmə gəlib.

Yazılarda təxminən 300 min işçinin çalışdığı müəssisədə “qapalı dövrə” istehsalına başlanıldığı, oktyabrın ilk həftəsindən kampusun metal baryerlərlə bağlandığı, bufet və bufetlərdə yemək yeməyin qadağan edildiyi iddia edilib. İşçilərə yalnız müəyyən marşrutlardan istifadə edərək şəhərcikdəki yataqxanalarına getməyə icazə verilib.

Epidemiyadan qorunma tədbirlərinin həyata keçirilməsində səhlənkarlığa diqqət çəkən paylaşımlarda fabrik rəhbərliyinin hadisələrə vaxtında müdaxilə etmədiyi, Kovid-19-a yoluxmuş işçilərin yataqxana otaqlarında təcrid olunduğu iddia edilib. Tikintisi hələ başa çatmayan yataqxana binasında bir qrup işçi karantinə alınıb. Karantində olan işçilər lazımi qida və tibbi xidmətlə təmin edilmədiklərindən şikayətlənsələr də, sosial şəbəkələrdə problemlərini ifadə edən yazılar senzuraya məruz qalıb.

Foxconn verdiyi açıqlamada, tədbirlərin yerli epidemiyadan qorunma siyasətlərinə uyğun olaraq alındığını iddia edərkən, "az sayda işçinin epidemiyadan təsirləndiyini" təsdiqlənib.

"Foxconn, epidemiyadan təsirlənən az sayda işçi üçün, yerli epidemiyanın qarşısının alınması siyasətlərinə uyğun olaraq, maliyyə ehtiyacları, psixoloji dəstək və operativ rəy də daxil olmaqla, sağ qalmaq üçün zəruri təminatları təmin edir" deyə bəyanat bildirilib.

Apple məsələ ilə bağlı şərh verməyib.Foxconn-un fabrikinin yerləşdiyi 10 milyonluq Cingcou şəhərində son 24 saat ərzində 26 hadisə aşkarlanıb, bunlardan 3-də xəstəlik əlamətləri var, bu cəmə işçilərin daxil olub-olmadığı bilinmir. Karantin tədbirlərinin tətbiqi, yoluxmaların sayının az olmasına və əksəriyyətində xəstəlik əlamətləri göstərməməsinə baxmayaraq, Çinin "sıfır hal" adlanan ciddi epidemiya nəzarət tədbirlərində israr edəcəyini göstərir.

Gültəkin Ələsgər