Ermənistanda faşist Qaregin Njdenin heykəli rəngli boya ilə yazılıb.
"Unikal" xəbər verir ki, bu barədə erməni politoloq Abraham Qasparyan özünün "Facebook" səhifəsində məlumat paylaşıb.
O qeyd edib ki, heykəlin üzərində farsca “Xamneiyə ölüm” şüarı yazılıb.
İranın ali dini rəhbəri barədə şüarın kim tərəfindən yazıldığı məlum deyil. Ermənistan rəsmiləri məsələ ilə bağlı açıqlama verməkdən boyun qaçırıblar.
Qeyd edək ki, Qaregin Njde İkinci Dünya müharibəsi illərində nasional sosialistlərin erməni legionunun yaradıcısı olub. O, Şimali Qafqazda Sovet Ordusuna qarşı vuruşub. 1948-ci ildə nasist Almaniyasına havadarlıqda təqsirləndirilərək 25 il müddətinə azadlıqdan məhrum edilib və Vladimir həbsxanasında ölüb.