Rusiya xarici işlər naziri Sergey Lavrov və Misirin xarici işlər naziri Sameh Şükri yanvarın 31-də danışıqlar aparacaq.

"Unikal" xəbər verir ki, bu barədə Misir diplomatik departamentindən bildiriblər.

Danışıqlarla əlaqədar Şükri bu gecə  Moskvaya uçur.

Misir Xarici İşlər Nazirliyi bildirib ki, onun rəhbəri Sameh Şukri  ikitərəfli danışıqlarda iştirak etmək üçün yanvarın 30-da axşam Rusiyaya səfər edəcək.

Xarici İşlər Nazirliyinin rəsmi nümayəndəsinin sözlərinə görə, səfər zamanı Şükri Rusiyanın xarici işlər naziri Sergey Lavrov, baş nazirin müavini, sənaye və ticarət naziri Denis Manturov və Milli Təhlükəsizlik Şurasının katibi Nikolay Patruşevlə görüşməyi planlaşdırır .

Bundan əvvəl Lavrov misirli həmkarı Sameh Şükri ilə  Ukraynadakı vəziyyətin həlli yollarını müzakirə edib . Bu barədə Misir Xarici İşlər Nazirliyinin rəhbəri danışıqların yekunlarına dair mətbuat konfransında bildirib.

Şükri vurğulayıb ki, Qahirə münaqişənin “müdriklik və dialoq əsasında” diplomatik həllinə nail olmaq istəyini bir daha təsdiqləyib.