ABŞ danışıqların harada aparılmasından asılı olmayaraq, Azərbaycan və Ermənistan arasında birbaşa dialoqun tərəfdarıdır.

"Unikal" xəbər verir ki, bunu Dövlət Departamentinin mətbuat xidmətinin rəhbərinin müavini Vedant Patel mayın 25-də Moskvada Azərbaycan Prezidenti İlham Əliyevlə Ermənistanın baş naziri Nikol Paşinyan arasında keçirilməsi nəzərdə tutulan görüşü şərh edərkən deyib.

"Tərəflər arasında birbaşa danışıqlar prinsipial əhəmiyyət kəsb edir və biz şadıq ki, onlar harada olursa olsun - Arlinqtonda (ABŞ-ın Virciniya ştatı – red.), Brüsseldə və ya Moskvada", - o vurğulayıb.