İranın Həmədan şəhərində təcili yardım xidmətinin rəisi qətlə yetirilib.

"Unikal" xəbər verir ki, bu barədə şəhərin polis qüvvələrinin komandiri Hadi Nəcəfi bildirib.  

Nəcəfinin verdiyi məlumata görə,  dünən gecə 22:30 radələrində Vəliəsrin Dizic bağlarında baş verən cinayət hadisəsindən sonra, qatil hadisə yerindən qaçıb.

Təqsirləndirilən şəxs bazar ertəsi səhər saatlarında polis əməkdaşları tərəfindən gizləndiyi yerdə saxlanılıb. 

Nəcəfi əlavə edib: “Qatil barəsində cinayət işi açılıb və təqsirləndirilən şəxs münaqişənin səbəb və amilləri ilə bağlı ekspertiza üçün polisə təhvil verilib”.