Qazaxıstan prezidenti Kasım-Jomart Tokayev Rusiya prezidenti Vladimir Putinlə telefon danışığı zamanı "Vaqner" üsyanını “Rusiyanın daxili işi” adlandırıb.

"Unikal" xəbər verir ki, bu barədə Qazaxıstan prezidentinin administrasiyasının mətbuat  xidməti məlumat yayıb. 

"Prezident Kasım-Jomart Tokayev Rusiya prezidenti ilə telefonla danışıb. Vladimir Putin ölkədəki vəziyyət barədə məlumat verib. Kasım-Jomart Tokayev qeyd edib ki, baş verən hadisələr Rusiyanın daxili işidir".

Tokayev əlavə edib ki, konstitusiya quruluşu və qanunun aliliyi “ölkədə asayişin qorunması üçün əvəzsiz şərtdir”.

***14:06

Rusiya lideri Vladimir Putin qazaxıstanlı həmkarı Kasım-Jomart Tokayevə zəng edib.

"Unikal" xəbər verir ki,  bu  barədə Kremlin mətbuat xidməti məlumat yayıb.

Bildirilir ki, Putin Qazaxıstan prezidentinə ölkədəki vəziyyətlə bağlı məlumat verib. Bundan əvvəl o Belarus lideri Aleksandr Lukaşenko ilə danışmışdı.  

Gülayə Mecid