Danimarkanın baş naziri Mette Frederiksen və Ukrayna prezidenti Volodimir Zelenski Cənubi Yutlandiyanın Skrydstrup hava limanında Danimarka F-16 qırıcılarından birinə baxış keçiriblər.
"Unikal" xəbər verir ki, bu barədə Ritzau məlumat yayıb .
Agentlik Zelenskinin qırıcı pilot kreslosunda əyləşdiyi şəklini də yayıb.
Bundan əvvəl Danimarka Xarici İşlər Nazirliyi F-16 qırıcılarını Ukraynaya göndərməyə hazır olduğunu təsdiqləyib .
Ukrayna prezidenti Volodimir Zelenskinin dediyi kimi, o, Hollandiyanın baş naziri Mark Rutte ilə Ukraynaya 42 ədəd F-16 qırıcısı tədarükü barədə razılığa gəlib. Eyni zamanda, o, bunun “pilotların və mühəndislərin hazırlanmasından sonra” mümkün olacağını dəqiqləşdirib.
Avqustun 20-də Ukrayna Silahlı Qüvvələrinin Hərbi Hava Qüvvələrinin komandanı Nikolay Oleşçuk bildirib ki, Amerikaya məxsus F-16 qırıcı daha əvvəl Ukrayna hava limanına uçub.
Avqustun 19-da Ukraynanın müdafiə naziri Oleksiy Reznikov ukraynalı pilotların F-16-da təlimlərə başladığını açıqlayıb.