“Lukoyl” Rusiya bazarını tərk etmiş xarici şirkətlərdən öz səhmlərini geri almaq üçün Rusiyadan 5 milyard dollar çıxarmaq niyyətindədir.
"Unikal" xəbər verir ki, bəzi ekspertlər əmindirlər ki, şirkət kapitalı ölkədən çıxaracaq və bununla da Rusiyaya dost olmayan ölkələrə pul köçürəcək. Şirkət hətta bu yolla sanksiyalardan çıxmağa cəhd etməkdə şübhəli bilinirdi.
“Lukoyl”un ərizəsi Rusiya prezidentinin administrasiyasına göndərilib və orada bu məsələ ilə bağlı qərar qəbul olunacaq. Qeyd olunur ki, “Lukoyl”un səhmdarları arasında əcnəbilərin ən azı yarısı var.
Maliyyə analitiklərinin gözləntilərinə görə, “Lukoyl”un səhmlərinin alınması təxminən 5 milyard dollara başa gələcək, lakin bazarın digər oyunçuları da öz maraqlarını göstərsələr, 10 milyard dollara qədər ölkəni tərk edə bilər.
