Gürcüstan prezidentinin impiçmenti məsələsinin müzakirəsi sabah, oktyabrın 18-də saat 12:00-da başlayacaq.
"Unikal" xəbər verir ki, Gürcüstan prezidenti sessiyada iştirak edəcək və çıxış etmək hüququ olacaq.
Bundan əvvəl bu gün parlament qərar layihəsini müzakirə edəcək, ona əsasən, prezidentin impiçmenti məsələsinin plenar iclasda müzakirəyə çıxarılması müəyyən edilib.
Sözügedən qərarda prezidentin impiçmenti məsələsinin proseduruna da baxılır.
Xatırladırıq ki, oktyabrın 16-da Konstitusiya Məhkəməsi Salome Zurabişvilinin Konstitusiya pozuntusunu müəyyən edib.
