Babək və Şahbuz rayonlarının Təhsil Şöbələrinə yeni müdirlər təyin olunub.

"Unikal" xəbər verir ki, bununla bağlı Naxçıvan Muxtar Respublikası təhsil naziri vəzifələrinin icraçısı, nazir müavini Elxan Nəcəfov əmr imzalayıb.

Əmrə əsasən Qəbulov Elşən Tofiq oğlu Babək Rayon Təhsil Şöbəsinə, Əsgərova Ayşən Hüseyn qızı isə Şahbuz Rayon Təhsil Şöbəsinə müddətli müqavilə ilə müdir təyin olunublar.

Qeyd edək ki, Elşən Qəbulov İngilis dili müəllimi ixtisasını bitirib və 14 ilə yaxın dövlət qulluğunda çalışıb. Ayşən Əsgərova isə Fizika müəllimliyi ixtisasını bitirib, 9 ilə yaxın dövlət qulluğu stajına malikdir və hər iki kadr uzun müddət təhsil sahəsində müxtəlif vəzifələrdə işləyiblər.