Çempionlar Liqasından Avropa Liqasına düşən bütün 8 komanda bəlli olub.

"Unikal" xəbər verir ki, dünən gecə keçirilən son turun oyunlardan sonra 3-cü yeri tutan sonuncu 2 komandanın da adına aydınlıq gəlib.

Bunlar “Milan” (İtaliya) və “Şaxtyor” (Ukrayna) olublar.

Beləliklə, Avropa Liqasının 1/16 finalında ÇL-in qrup üçüncüsü kimi aşağıda adları qeyd olunan komandalar iştirak edəcəklər:

“Qalatasaray” (Türkiyə)

“Lans” (Fransa)

“Braqa” (Portuqaliya)

“Benfika” (Portuqaliya)

“Feyenoord" (Niderland)

“Yanq Boyz" (İsveçrə)

"Milan" (İtaliya)

"Şaxtyor" (Ukrayna)

Qeyd edək ki, onların “pley-off”da rəqibləri AL-də öz qruplarında 2-ci yeri tutan komandalar olacaq. Pley-off mərhələsinin püşkü dekabrın 18-də atılacaq. Potensial rəqiblər sırasında Azərbaycan təmsilçisi “Qarabağ” da var. Ağdam təmsilçisi bu gün “Hekken”ə (İsveç) qarşı AL-də qrupun son oyununa çıxacaq.

Bakıda keçiriləcək bu görüş yerli vaxtla saat 21:45-də başlanacaq. Ağdam təmsilçisi qalib gələcəyi halda qrupun digər matçı - “Bayer” (Almaniya) - “Molde” (Norveç) oyununun nəticəsindən asılı olmayaraq 1/16 finala vəsiqə qazanacaq. Bu isə Azərbaycan futbol tarixində bir ilk olacaq.