Avropa Şurasının rəhbəri Çarlz Mişel Avropa Parlamentinə namizədliyini irəli sürməmək qərarı ilə öz nüfuzunu tamamilə sarsıtdı, indi onun tezliklə vəzifəsini itirmək şansı daha çoxdur.

"Unikal" xəbər verir ki, bunu Avropa Parlamentinin Hollandiyadan olan üzvü Mişel van Huqeven deyib.
Mişel bundan əvvəl Avropa Parlamentinə seçkilərə getməyəcəyini və mandatının sonuna qədər vəzifəsində qalacağını bildirmişdi.
“Bu, sədr Mişel üçün mütləq alçaldılma idi, onun malik olduğu səlahiyyət qalıqlarını tamamilə sarsıtdı”, - deyə deputat deyib.
Van Hoogeven əlavə edib ki, Mişel artıq Avropa Komissiyasının rəhbəri Ursula fon der Leyen tərəfindən kənara çəkilən zəif sədr kimi tanınır. Onun fikrincə, Avropa Şurasının rəhbərinin öz rəsmi vəzifələrini yerinə yetirmək üçün bacarığı və xarizması yoxdur.
Deputatın sözlərinə görə, Avropa Şurası rəhbərinin seçkiyə getmək istəyi ilkin olaraq onun mandatının tezliklə başa çatmasından sonra işsiz qalacağı qorxusu ilə bağlı olub.
Bundan əvvəl mandatı 2024-cü il noyabrın 30-da başa çatacaq Avropa Şurasının rəhbəri Çarlz Mişel 2024-cü il iyunun 6-9-da keçiriləcək Avropa Parlamentinə keçiriləcək seçkilərdə iştirak edəcəyini və yayda hazırkı vəzifəsini tərk edəcəyini bildirmişdi.