Mən o vaxt həbsdə idim, Saakaşviliyə məktublar yazırdım, indi o həbsdən mənə yazır. 

"Unikal" xəbər verir ki, bunu Ermənistanın baş naziri Nikol Paşinyan bu gün keçirdiyi mətbuat konfransında deyib. 

O, 2009-cu ildə həbsxanadan Gürcüstanın o vaxtkı prezidenti Mixail Saakaşviliyə məktub göndərdiyini açıqlayıb. 

Jurnalist Paşinyana sualında onun Saakaşviliyə verdiyi məsləhəti xatırladıb: "Ola bilərmi ki, öz çağırışınıza, Gürcüstan prezidentinə ünvanladığınız öyüd-nəsihətə əməl edib gedəsiniz?"

Baş nazir jurnalistin sualına belə cavab verib: "Mən bunu artıq etmişəm. 2021-ci ildə istefa verməyim, növbədənkənar seçkilər keçirməyim və bu seçkilərin rəqabətli, azad və ədalətli sayılması kiçik bir şey deyil". 

Ağarza Elçinoğlu