Kəmaləddin Heydərov Lənkəranda vətəndaşları qəbul edəcək

Kəmaləddin Heydərov Lənkəranda vətəndaşları qəbul edəcək
Azərbaycanın fövqəladə hallar naziri, general-polkovnik Kəmaləddin Heydərov tərəfindən mayın 31-i saat 10:00-dan Lənkəran şəhərində vətəndaşların qəbulu keçiriləcək.Qəbulda Lənkəran, Masallı, Astara, Lerik, Yardımlı və Cəlilabad rayonlarının sakinləri, habelə həmin rayonlarda müvəqqəti məskunlaşmış məcburi köçkünlər iştirak edə bilərlər.
Qəbulda yalnız Fövqəladə Hallar Nazirliyinin fəaliyyəti ilə bağlı müraciətlərə baxılacaq.
Qəbula gələn vətəndaşların qeydiyyatı Fövqəladə Hallar Nazirliyinin Cənub Regional Mərkəzinin inzibati binasında (ünvan: Lənkəran şəhəri, Lənkəran-Astara şosesi, Digah kəndi) başlayıb. Vətəndaşlar qəbula gələrkən şəxsiyyəti təsdiq edən sənəd təqdim etməlidirlər.