İttifaq dövlətinin müdafiə qabiliyyəti əvvəlkindən daha yüksəkdir. 

"Unikal" xəbər verir ki, bu barədə Belarus prezidenti Aleksandr Lukaşenko Belarusun nasist işğalçılarından azad edilməsinin 80 illiyinə həsr olunmuş hərbi paradda bildirib.

"Bizim parad Belarus və Rusiya arasında müttəfiqlik strateji tərəfdaşlığının, KTMT-yə üzv dövlətlərlə əməkdaşlığın, Çin Xalq Respublikası ilə hərbi sahədə əməkdaşlığın əlamətidir. Bu, bizim bu gün tarixi yaddaşımızı, dəyərlərimizi və suverenliyimizi qorumaq üçün bir sırada dayanmağa hazır olduğumuzun göstəricisidir. Hamımızı ümumi düşmən olan Hitler ittifaqı ölkələri üzərində Böyük Qələbə birləşdirir. Bu, bizə sülhü istənilən maneə ilə qorumağı öyrədir", - Lukaşenko deyib. 

Onun sözlərinə görə, Belarus və Rusiya qoşunlarının birgə regional qruplaşmasının, qeyri-strateji nüvə qüvvələrinin ilk hərbi təlimlərinin təftişi göstərdi ki, İttifaq dövlətinin müdafiə qabiliyyətinin səviyyəsi heç vaxt aşağı olmayıb.

Ağarza Elçinoğlu