Alimlər müəyyən ediblər ki, üz temperaturu insanın yaşını və yüksək qan təzyiqi və diabet kimi xəstəliklərini müəyyən edə bilir.

"Unikal" xəbər verir ki, araşdırmanın nəticələri "Cell Metabolism" jurnalında dərc olunub. 

Həkimlər 21 yaşdan 88 yaşa qədər 2800 çinli xəstənin üz temperaturunu tədqiq ediblər. Yaşlı iştirakçılar gənc iştirakçılara nisbətən daha soyuq burun və daha isti göz bölgəsinə malik idilər. Hipertoniya ilə yanaqlar da isti olub. Şəkərli diabet və qaraciyər yağlanması da daxil olmaqla metabolik pozğunluqları olan insanların göz bölgələri yaşıdlarına nisbətən daha isti hiss edilib. 

Alimlər 23 xəstədən hər gün 800 ip atlamalarını istəyiblər. İki həftədən sonra onların "termal yaşı" beş il azalıb. 

Müəlliflər üz temperaturunun ürək xəstəlikləri və yuxu pozğunluğu ilə əlaqəli olub-olmadığını araşdırmağı planlaşdırırlar. Alimlərin kəşf etdiyi temperatur fərqlərini toxunmaqla hiss etmək çətindir, ona görə də alimlər süni intellekt və istilik xəritələrindən istifadə ediblər.