Qırğızıstanda kütləvi iğtişaşlar təşkil etməyə və hakimiyyəti zorakılıqla ələ keçirməyə açıq çağırış edən şəhər şurasının deputatı saxlanılıb.

"Unikal" xəbər verir ki, bu barədə Milli Təhlükəsizlik Dövlət Komitəsi məlumat yayıb.

Söhbət Kerben şəhər şurasının Ata-Jurt Qırğızıstan fraksiyasından olan deputatdan gedir.

Kəşfiyyat xidmətinin məlumatına görə, N.J.K. - sosial şəbəkələrin aktiv istifadəçisidir. O, vaxtaşırı təmayüllü və təxribat xarakterli materiallar, o cümlədən kütləvi iğtişaşların təşkili və hökumətin devrilməsi çağırışları dərc edib, dövlət komitəsi qeyd edib.

Gülayə Mecid