FTB keçmiş ABŞ prezidenti Donald Trampa hücumun motivlərini müəyyən etməyib.

"Unikal" xəbər verir ki, bu barədə büro nümayəndəsinin bəyanatında deyilir.

FTB-nin yüksək rütbəli məmuru, "FTB aydın motivi müəyyən etməyib" deyə açıqlama verib.

O qeyd edib ki, istintaq davam edir, lakin hələlik şübhəlinin şəriklərinin olmasına dair heç bir sübut yoxdur. Üstəlik, hadisədə xarici dövlətin iştirakını göstərən heç nə yoxdur.

Təhlükəsizlik agentliyinin məlumatına görə, şübhəli şəxs Demokratlar və Respublikaçıların qurultayları, həmçinin ABŞ prezidenti Co Bayden haqqında onlayn məlumat toplayıb. FTB şübhəlinin hansı ideologiyaya bağlı olduğunu dəqiq müəyyənləşdirə bilməyib.

Şübhəlinin qanında spirtli içki və ya narkotik izləri aşkar edilməyib. Şöbə əlavə edib ki, məxfi xidmət snayperi onu məhv edənə qədər şübhəli təxminən altı dəqiqə damda qalıb.