Günortadan sonra yorğunluqdan xilas olmaq üçün yumurta, qoz-fındıq, qatıq və digər zülallı qidalar  yemək lazımdır.

"Unikal" xəbər verir ki,  bu barədə britaniyalı dietoloq Kayl Krouli məlumat verib. 

Həkim izah edib ki, günorta saat üçdən sonra enerji səviyyəsinin azalması insan orqanizmi üçün normaldır. Bu qismən yuxululuğa və performansın azalmasına səbəb olan sirkadiyalı ritmlərə bağlıdır. Bir çox insanlar kofein və qazlı içkilərə güvənirlər, lakin Dr. Krouli deyir ki, onlar təsirli olmaya bilər.

Fakt budur ki, şəkərsiz qəhvə və soda aşağı qida və enerji dəyərinə malikdir. Bədəni doyura və yorğunluğun əsas səbəblərini aradan qaldıra bilmirlər. Bundan əlavə, günortadan sonra kofein qəbul etmək gecə yuxunuza mənfi təsir göstərərək, ertəsi gün sizi daha yorğun edir.

Diyetoloq bu içkilərdən uzaq durmağı və ya onları protein qidaları ilə birləşdirməyi tövsiyə edir. Enerji artırmaq üçün yunan qatığı, tərəvəzli humus, yumurta, qoz-fındıq, toxum və protein kokteyli yaxşı seçimdir. Bu qidalar yavaş-yavaş həzm olunaraq uzunmüddətli toxluq hissi verir. Bundan əlavə, onlar sağlamlığı qorumağa kömək edən vitamin və minerallarla zəngindir.

Gülayə Mecid