Respublikaçılar Partiyasından prezidentliyə namizəd Donald Tramp Ağ Evdəki potensial ilk günündə nə edəcəyi ilə bağlı “41 aydın vəd” verib.
"Unikal" xəbər verir ki, bu barədə "The Washington Post" nəşri yazıb.
"İkinci müddətə namizədliyini irəli sürdüyü vaxtdan bəri Tramp prezident kimi "ilk günündə" nə etmək istədiyi barədə 41 aydın vəd verib", - nəşr qeyd edib.
Nəşrin təhlili göstərib ki, Tramp seçki kampaniyası zamanı bu vədləri 200 dəfədən çox qeyd edib. Onların arasında: kütləvi deportasiyalara başlamaq, elektrik avtomobilləri üçün təşviqlərə son qoymaq və transgender qadınların qadın idmanlarında iştirakını qadağan etmək.
Trampın seçki kampaniyasının sözçüsü Caroline Leavitt deyib ki, Tramp “birinci müddət ərzində divar tikmək, iqtisadiyyatı bərpa etmək və Amerikanın dünya səhnəsində yenidən hörmət qazanması ilə bağlı verdiyi vədlərə əməl edib və o, ikinci müddətində verdiyi vədlərə əməl edəcək”.
