"ABŞ prezidenti Co Bayden Qəzza zolağında atəşkəs və girovların qaytarılması ilə bağlı saziş bağlamaqla sülhməramlı kimi tarixə düşmək istəyir". 

"Unikal" xəbər verir ki, bu barədə “Politico” mənbələrə istinadən məlumat yayıb.

"Bayden milli təhlükəsizlik müşavirlərinə bildirib ki, Qəzza sövdələşməsini əldə etmək onun səlahiyyət müddətinin qalan hissəsi üçün əsas xarici siyasət prioritetinə çevrilib. O, razılığa gəlməklə tarixə sülhməramlı kimi düşəcəyinə inanır", - nəşr yazır.

Bununla belə, material müəllifləri qeyd ediblər ki, Amerika liderinin planında “problemlər var” və bu, İsrail və radikal Fələstinin HƏMAS hərəkatı arasında razılaşmanın bir neçə bəndi ilə bağlı razılığın olmamasından ibarətdir.