27 oktyabr 2024-cü il tarixində Azərbaycan Respublikası Milli Məclisinin Səhiyyə komitəsinin sədri, TÜRKPA-nın Ətraf mühit, təbii ehtiyatlar və sağlamlığın qorunması komissiyasının sədri Əhliman Əmiraslanov və Milli Məclisin deputatı Ağalar Vəliyev TÜRKPA Müşahidə Missiyasının tərkibində Özbəkistan Ali Məclisin Qanunvericilik Palatasına keçirilən seçkilərdə müşahidəçi qismində iştirak etdilər, seçki məntəqələrinin açılması və səslərin sayılması da daxil olmaqla səsvermə prosesini müşahidə edib, səsvermə günü vətəndaşların fəallığını və seçki məntəqələrində yaradılmış şəraitlə tanış olublar.
"Unikal" xəbər verir ki, eyni zamanda Missiya seçkilərin gedişatını izləyib, seçicilər, yerli müşahidəçilər və seçki məntəqələrinin rəsmiləri ilə söhbətlər aparıb, yerli və xarici media nümayəndələrinə müsahibələr verib.
