Qərb sivilizasiyasının beş yüz illik hökmranlığı dövrü başa çatdı, bütün dünyanın qərbləşməsi strategiyası çökdü, dünya iqtisadiyyatının mərkəzi Şərqə keçdi və növbəti əsr Avrasiya əsri olacaq.
"Unikal" xəbər verir ki, bu barədə Macarıstanın baş naziri Viktor Orban Budapeştdə Avrasiya Forumunda çıxışı zamanı deyib.
"Qərb dünyasının liberal mütərəqqi hegemonluğu sona çatdı. Bütün dünyanın Qərb modeli üzrə təşkil edilməsi və seçilmiş xalqların buna hazır olması ideyası iflasa uğradı", - Orban konfransda bildirib.
Onun fikrincə, yeni reallıq ondan ibarətdir ki, Asiya dövlətləri daha güclü olub və müstəqil iqtisadi və siyasi güc mərkəzləri kimi yüksəlməyə, mövcud olmağa və yaşamağa qadir olduqlarını sübut ediblər: "Bunun nəticəsində dünya iqtisadiyyatı şərqə doğru dəyişib və şərq iqtisadiyyatı dörd dəfə artaraq Qərbdən daha sürətli böyüyür''.
Orban hesab edir ki, dünya əhalisinin 70%-nin və dünya iqtisadiyyatının 70%-dən çoxunun yaşadığı ən böyük qitə olduğundan, gələn əsr Avrasiya əsri olacaq: "Avropa İttifaqı ABŞ-nin bir hissəsi olsaydı, üçüncü ən kasıb ölkə olardı, bu, Avropanın daim uduzduğunu göstərir. İndiki proseslərdə bir vaxtlar məğlub olan Avropa ölkələri artıq dünya iqtisadiyyatının ilk beşliyinə daxil deyil".
Ağarza Elçinoğlu
