Amerikalı iş adamı İlon Mask "Nasist salamı" ilə bağlı ittihamlara cavab verib.

"Unikal" xəbər verir ki, bu barədə o, "X"da yazıb. 

""Hər kəs Hitlerdir" ruhunda edilən hücumlar köhnəlib” – milyarder qeyd edib. 

Mask daha əvvəl prezident Donald Trampın andiçmə mərasimindən sonrakı paraddakı çıxışında  nasist salamını xatırladan jest göstərmişdi, lakin onun jesti internetdə fərqli şəkildə şərh edilib. 

***09:30

Amerikalı milyarder İlon Mask ABŞ prezidenti Donald Trampın inauqurasiyası şərəfinə keçirilən paradda çıxış edərkən iki dəfə ənənəvi faşist salamına oxşar jest göstərib.

"Unikal" xəbər verir ki,o, Vaşinqtondakı Capital One Arenada çıxış edərək, Trampın seçkilərdə qələbəsini böyük hadisə adlandırıb.  

"Ürəyim sizinlədir. Sizin sayənizdə sivilizasiyanın gələcəyi təmin olunub. Sizin sayənizdə təhlükəsiz şəhərlərimiz, nəhayət, təhlükəsiz şəhərlərimiz, təhlükəsiz sərhədlərimiz, məqbul xərclər, əsas şeylər olacaq", - Mask ifadə edib. 

O, Trampın andiçmə mərasimindən sevincli duyğularını gizlətməyib və “qələbənin belə hiss” olduğunu bildirib. Çıxışının sonunda Mask, nasist salamına bənzər bir jest nümayiş etdirib. Onun çıxışı Amerika televiziya kanalları tərəfindən yayımlanıb. 

Əslində, söhbət  qədim romalıların salamlama jesti olan "Roma salamı"ndan gedir.  Hitler Almaniyasında nasistlər də oxşar jestdən istifadə edirdilər. Bu jest hazırda bir sıra ölkələrdə qadağandır.

Gülayə Mecid