Futbol üzrə Belçika millisinin yeni baş məşqçisi məlum olub.

"Unikal" xəbər verir ki, bu barədə tanınmış insayder Fabritsio Romano məlumat yayıb. Onun sözlərinə görə, bu vəzifəyə Rudi Qarsiya gətirilib.

Fransalı çalışdırıcı dünən Belçika Kral Futbol Assosiasiyası (KBVB) ilə müqavilə imzalayıb.

Belçika seçməsinə son olaraq Domeniko Tedesko rəhbərlik edib.

Qeyd edək ki, Rudi Qarsiyanın son iş yeri İtaliyanın “Napoli” komandası olub.