Rusiya-Azərbaycan əlaqələri strateji tərəfdaşlıq və müttəfiqlik münasibətlərinə uyğun olaraq möhkəmlənməkdə və inkişaf etməkdə davam edir. Rusiya Prezidenti Vladimir Putinlə Azərbaycan Prezidenti İlham Əliyev arasında etimadlı dialoq xüsusi əhəmiyyət kəsb edir.  

"Unikal" xəbər verir ki, bunu Rusiyanın xarici işlər naziri Sergey Lavrovun Rusiya ilə Azərbaycan arasında diplomatik münasibətlərin qurulmasının 33-cü ildönümü münasibətilə Azərbaycanın xarici işlər naziri Ceyhun Bayramova müraciətində yazıb. 

"Biz xarici siyasət idarələrimiz arasında əlaqələndirilmiş işi davam etdirmək niyyətindəyik. Əminəm ki, beynəlxalq platformalarda fəaliyyətlərin əlaqələndirilməsi və qarşılıqlı dəstək, MDB və regional formatlarda səmərəli əməkdaşlıq qarşılıqlı faydalı sazişlərin həyata keçirilməsinə, Cənubi Qafqazda və Xəzər regionunda sabitliyin və təhlükəsizliyin möhkəmləndirilməsinə töhfə verəcək", - təbrikdə deyilir.

Ağarza Elçinoğlu