Goranboy Rayon İcra Hakimiyyəti başçısı Məhərrəm Quliyevin rəhbərliyi ilə başçı yanında Şuranın növbəti iclası keçirilib.

"Unikal" xəbər verir ki, iclasda şura üzvləri, rayonun xidmət sahələrinin rəhbərləri, RİH yanında İctimai Şuranın üzvləri, inzibati ərazi dairələri üzrə nümayəndə və bələdiyyələr, rayonda fəaliyyət göstərən qeyri-hökumət təşkilatlarının nümayəndələri və bir qrup rayon fəalları iştirak ediblər.

Şurada “2025-ci ilin 1-ci rübü ərzində rayonun sosial-iqtisadi, ictimai-siyasi və mədəni inkişafı sahəsində görülmüş işlər və  qarşıda duran vəzifələr barədə” məruzə dinlənilib,  rayonun həlli vacib məsələləri barədə geniş müzakirələr aparılıb. RİH Başçısı yanında Şuranın və RİH-nin Tədbirlər Planına uyğun olaraq, işlərin operativ həyata keçirilməsi və icra vəziyyəti barədə rəhbərliyə müntəzəm hesabat və məlumatların verilməsinin təmin edilməsi ilə bağlı, icra başçısı tərəfindən müvafiq tapşırıq və tövsiyyələr verilib. İclasın sonunda, rayonun ictimai-siyasi, sosial-iqtisadi və mədəni həyatında fərqlənən şəxslərə və xidməti fəaliyyətlərinin yerinə yetirilməsində müsbət nəticələr göstərən bir qrup əməkdaşlara rayon İcra Hakimiyyəti Başçısının Fəxri Fərmanları təqdim edilib.