Türkiyə rəsmiləri ABŞ-ın aprelin 2-də elan etdiyi 10 faizlik əlavə gömrük rüsumlarını Vaşinqtonla müzakirə etməyi planlaşdırır.

"Unikal" xəbər verir ki, bu barədə Türkiyənin ticarət naziri Ömər Bolat bildirib.

O, detalları açıqlamayıb. “Milliyet” qəzeti yazır ki,  Bolat və ölkə prezidenti Rəcəb Tayyib Ərdoğan may ayında ABŞ-a səfər etməyi planlaşdırır.

Nəşrin yazdığına görə, tərəflər ABŞ-ın Türkiyədən gələn mallara gömrük rüsumunu dərhal tətbiq etməkdənsə, tədricən artıracağı qənaətinə gələ bilər. “Türkiyə ilə ABŞ arasında ticarət dövriyyəsi balanslaşdırılıb, ABŞ üçün əlverişsiz vəziyyət yoxdur, ona görə də yumşalma ola bilər”, - nəşr qeyd edib.