Ermənistan sülh gündəmini irəli sürməklə regiona sabitliyin gətirilməsi istiqamətində fəaliyyətini davam etdirir.
"Unikal" erməni KİV-ə istinadən xəbər verir ki, bunu APRI-2025 konfransında “Qeyri-sabit dünyada sabitliyin tapılması” adlı panel müzakirə zamanı Ermənistan Təhlükəsizlik Şurasının katibi Armen Qriqoryan deyib.
Təhlükəsizlik Şurasının katibi bildirib ki, bu yolda çətinliklər var: "Lakin sülh bizim gündəliyimiz olaraq qalmaqda davam edir və biz sülh gündəmini təhdidlərə cavab vermək üçün əsas vasitə kimi görürük. Təbii ki, regiondan kənarda Ermənistanın nəzarətində olmayan proseslər gedir.
Ermənistanla Azərbaycan arasında sülhün bərqərar olması haqqında sazişin mətni artıq razılaşdırılıb və hazırda onun imzalanma vaxtı ilə bağlı Bakı ilə danışıqlar aparılır. Ümid edək ki, sülh sazişinin imzalanması ən qısa zamanda baş tutacaq".
Ağarza Elçinoğlu
