Almaniyanın paytaxtı Berlin və Brandenburq əyalətinin bəzi supermarketlərində banan yeşiyində gizlədilən ümumilikdə 300 kiloqram kokain ələ keçirilib.

"Unikal" xəbər verir ki, bu barədə Almaniya KİV məlumat yayıb.

Hadisənin üstü açıldıqdan sonra polis genişmiqyaslı araşdırmalara başlayıb.

İndiyədək ələ keçirilən narkotiklərin miqdarının 300 kiloqram civarında olduğu bildirilir. Kokainin Brandenburq əyalətindəki logistika mərkəzi vasitəsilə daşındığı müəyyən edilib, lakin hələlik neçə supermarketin təsirləndiyi bəlli deyil. İstintaqı Brandenburq Ştat Kriminal Polis İdarəsinin Narkotiklərin Birgə İstintaq Qrupu aparır.

Səlahiyyətlilər kokainin banan qutularına və daşıma zəncirinin digər halqalarına necə yerləşdirildiyini araşdırmaqda davam edir.

Gülayə Mecid