Bakıda yerləşən "Vital Klinika"da ölü doğulan uşağın zirzəmiyə qoyulması iddiası ilə bağlı təfərrüatlar məlum olub.
"Unikal" xəbər verir ki, Hadisənin təfərrüatlarını ölü doğulan körpənin atası Abdulla Kərimov “Xəzər Xəbər”ə danışıb. Lakin sözügüdən klinikadan bu iddiaların əsassız olduğu, ölü körpənin morqdan təhvil verildiyi qeyd edilir. Həmçinin, həkim- ginekoloq Çinarə Gülməmmədova Ana Fərqanə Kərimovanı yalnız ayın 17-si əməliyyat günü “Vital Klinika”da gördüyünü bildirir.
Qarşı tərəf də "Vital Klinika"da ilk dəfə olduqlarını etiraf edir. Lakin Çinarə Gülməmmədovanın hamilə Fərqanə Kərimovanı yanvar ayından Nəsrəddin Tusi adına Klinikada qəbul edərək müayinə və müalicə etdiyini iddia edir. Bununla bağlı şikayətçi yazışma və müayinə kağızlarını da təqdim edib.
Qeyd edək ki, hazırda bütün fakt və təfərrüatlar hüquq-mühafizə orqanları tərəfindən araşdırlır.
