Xarici vətəndaşa qarşı cinsi təcavüz ehtimalı ilə bağlı şikayətdən sonra Qazaxıstanın Türküstan bölgəsindən olan deputat Yergali Amanbayev həbs edilib. 

"Unikal" xəbər verir ki, haqqında məhkəmə istintaqı başladılan Baydibek rayon məclisinin deputatı Yergali Amanbayev Türküstan Regional Polis İdarəsi tərəfindən saxlanılıb.

"Hadisə ilə bağlı məhkəmə istintaqı aparılır. Şübhəli, Şimkent sakini müəyyən edilərək saxlanılıb. Hazırda bütün halların aydınlaşdırılması üçün lazımi tədbirlər görülür. İstintaqın nəticələrinə əsasən, mövcud qanunvericilik çərçivəsində müvafiq qərar qəbul ediləcək. İstintaqın maraqları naminə başqa heç bir məlumat dərc olunmayacaq", - Türküstan vilayət polis idarəsinin mətbuat xidməti bildirib.

İnternetdə dərc olunan qeyri-rəsmi məlumata görə, deputat Bayjansay kəndinə dörd Çin vətəndaşı ilə gedib. Onlar qurğuşun-sink filizinin çıxarılması ilə maraqlanıblar və investisiya qoymaq imkanından danışıblar. 

Daha sonra iddialara görə, o, 34 yaşlı qadını təcrid olunmuş bir əraziyə aparıb və onun iradəsinə zidd olaraq cinsi əlaqədə olub.

Yergali Amanbayev həm də "Karabatır" MMC-nin direktorudur.

Amanbayev əvvəllər Şımkentdə yol hərəkəti qaydalarını kobud şəkildə pozduğuna görə həbs olunmuşdu.

Ağarza Elçinoğlu