Eldəniz
Tanınmış jurnalist Eldəniz Elgünün yaşadığı mənzildə qəza baş verib. Bu barədə jurnalistin özü məlumat verib.

O bildirib ki, Bakı şəhəri, Nəsimi rayonu, Akif Məhərrəmov küçəsi bina 30 ünvanda yerləşən mənzilini su basıb və ev bərbad vəziyyətə düşüb: «Binanın su sistemi sıradan çıxıb, ev bütünlüklə su altında qalıb. Elektrik sistemi də tamamilə sıradan çıxıb. Məsələylə bağlı hansı quruma müraciət ediriksə, ötür-ötür oyunu oynayırlar. Hələ də problemin həlli ilə bağlı hər hansı tədbir görülmür».


Qeyd edək ki, sözügedən binada yerləşən bir neçə mənzildə də analoji hadisə baş verib.